Семейліктер мен қала қонақтарын 19 қыркүйекте сағат 22:00–де қала күніне орай ұйымдастырылатын «TUNGI RUN SEMEY — 2026» түнгі марафонына қатысуға шақырады.
«Жүгіруді ұнататындар мен салауатты өмір салтын ұстанатындарды біріктіретін үлкен спорттық мерекеге қосылыңыздар. Туған қаламыз үшін айтулы күнді бірге атап өтіп, күш-қуатымызды арттырып, өзімізге ұмытылмас әсер сыйлайық», — деп атап өтті әкімдіктегілер.
Жарыстың басталатын жері: Мұхтар Әуезов алаңы
Жарыс ерлер мен әйелдер арасында екі жас санаты бойынша өтеді: 40 жасқа дейін, 40 жас және одан жоғары.
Жүлде қоры:
I орын — 100 000 теңге
II орын — 50 000 теңге
III орын — 30 000 теңге
«Старт нөмірлері 17–19 қыркүйек аралығында сағат 16:00–ден 20:00–ге дейін „Спартак“ стадионында беріледі. 19 қыркүйекте сағат 20:00–ден кейін қатысушыларды тіркеу тоқтатылады. Жарысқа қатысу үшін №027 нысанындағы медициналық анықтаманы ұсыну қажет. Қауіпсіздік мақсатында әр қатысушының өзімен бірге жеке қолшамы болуы міндетті. Кәмелетке толмағандар жарысқа ата-анасының немесе заңды өкілінің нотариалды куәландырылған жазбаша келісімі болған жағдайда ғана қатыса алады», — делінген хабарламада.
Қосымша ақпарат және тіркелу: +7 (707) 967-97-24
Жарыс хатшысы: Екатерина Пешкова, +7 (708) 537-18-22
