Өткен бейсенбі, 2026 жылғы 23 шілдеде, Қарағайлы шағын ауданында көпқабатты тұрғын үйдің терезесінен балалардың құлауына байланысты екі оқиға тіркелді. Өкінішке қарай, олардың бірінде бір жасар сәби алған жарақаттарының салдарынан көз жұмды.
Осы оқиғаға байланысты Абай облысының төтенше жағдайлар департаменті ата-аналарға тағы да үндеу жасап, балалардың қауіпсіздігіне ерекше көңіл бөлуге шақырды. Құтқарушылар балаларды ашық терезенің жанында қараусыз қалдырмауға, москит торына сенбеуге және терезелерге арнайы ашылу шектегіштерін орнатуға кеңес береді.
Жыл сайын құтқарушылар, полиция қызметкерлері және бұқаралық ақпарат құралдары тұрғындарға, әсіресе жаз мезгілінде, ашық терезенің қауіпті екенін еске салып келеді. Соған қарамастан, көптеген ата-аналар бұл қауіптің маңызын әлі де жете бағаламай, салдарынан балалардың терезеден құлау жағдайлары қайталанып отыр.
Абай облысының төтенше жағдайлар департаментінің мәліметінше, 2026 жылдың басынан бері өңірде балалардың терезеден құлауының 11 дерегі тіркелген. Оның 10-ы Семейде, біреуі Аягөзде болған.
Егер кейбіреулер үшін терезеге тор орнату қымбатқа түссе, онда терезенің ашылуын шектейтін арнайы құрылғылардың бағасы маркетплейстерде шамамен 1000 теңгеден басталады.
Ал әлеуметтік желілерде кейбір семейліктер мұндай қауіпсіздік құрылғыларын құрылыс компаниялары сапалы терезелермен бірге үй салу кезеңінде-ақ орнатуы тиіс деген пікір білдіруде. Дегенмен, құтқарушылар бірнеше рет атап өткендей, баланың өмірі мен қауіпсіздігі үшін ең алдымен ата-аналар жауапты.
